Presidentja e Republikës së Kosovës, Vjosa Osmani, ka pritur sot në takim Nicole Chulick, Zëvendës Ndihmës Sekretare e Departamentit të Shtetit nga Byroja për Demokraci, të Drejta të Njeriut dhe Punë.
Sipas njoftimit të presidencës, në takim është diskutuar për zhvillimet e fundit, thellimin e mëtutjeshëm të bashkëpunimit Kosovë-SHBA, si dhe të arriturat e vazhdueshme të Kosovës në forcimin e demokracisë, sundimin e ligjit dhe të drejtave të njeriut, shkruan Arbresh.info.
Në temën e të drejtave të njeriut, Osmani ka thënë se Kosova ka kornizën ligjore më të avancuar në Evropë, e cila buron nga Kushtetuta e Republikës.
Në këtë drejtim, Presidentja Osmani ka theksuar përkushtimin e Kosovës për ruajtjen e multietnicitetit dhe mbrojtjen e të drejtave të njeriut për të gjithë qytetarët e Kosovës, pa dallim.
Me këtë rast, ajo ka potencuar rëndësinë që të përfundohet suksesshëm anëtarësimi në Këshillin e Evropës, si garancë shtesë për ruajtjen dhe promovimin e të drejtave të njeriut, demokracisë dhe sundimin e ligjit në vend.
Osmani ka përsëritur se çdo sukses i Kosovës mban edhe vulën e SHBA-ve dhe ka konfirmuar përkushtimin për vazhdimin e mëtutjeshëm të bashkëpunimit në këtë frymë./Arbresh.info/
Përparim Rama: Kur ngecni në trafik, dilni nga vetura ose le...
Uzuni është shumë afër të bëhet golashënuesi më i mirë në hi...
O’Brien për raportet SHBA-Kosovë: Herë pas here kemi mospajt...
SPAK zbardhi akuzat, reagon Kryemadhi: Gënjen për mua dhe fa...
Manchester United merr një lajm të mirë nga mbrojtësi Yoro
Gresa shpërthen në Prime: Rezi të largohet nga shtëpia sonte